RSSTamang pananalita: Top One at Top Three
Jun 28
Garbage language nazi, rant No Comments
Tagalugin ko para mas magkaintindihan.
Kung sa pagmamalaki sa iyong anak ay ipinangangalandakan mong siya ay “Top One” ay ibig sabihin ay TANGA KA. Oo matalino ang anak mo pero kitang-kita na di nagmana sa iyo. Mabuti na lang mareremedyuhan pa yang katangahan na yan. Maipapayo ko sumabay ka pag grammar ang lesson. Mas mahaba lang sabihin pero subukan mong sabihin na “Top of the class” ang iyong anak.
Ngayon kung sakaling di naman siya ang nangunguna pero kasama sa grupo ng mga nangununa sa kanilang klase ay huwag mo naman sabihing halimbawa na “top three” ang anak mo. Hindi naman triplets yan kasi di mo naman sinabing “mga” anak mo. Third of his/her class ang tamang pananalita na kailangang gamitin, o kung ano mang pwesto ang kinabibilangan nya. Pwede din sabihin na “kasama siya sa top five” kung gusto mong magpakumbaba at hindi tahasang sabihin kung ano ang pwesto ng anak mo (pwedeng siya ang una o pang-lima). Pero pakiusap, itigil na sana sa ikasampu. Kung lagpas na sa sampu ay wag ng ipagpilitan para lang makapagyabang. Suportahan mo na lang ang anak mo kung gusto nyang umabot at mapabilang sa “top ten” ng klase nya.
Huwag din sanang tawaging valedictorian o salutatorian ang inyong mga anak kung di naman pa siya graduating o gumradweyt ng elementary o high school. Meron lang iilang lebel o baitang ng pag-aaral na pwedeng gamitan nito. Saka ang valedictorian ay yung taong nagbibigay ng talumpating pamamaalam (valedictory coming from the root word valedictum o “pertaining to leave-taking”) habang ang salutatorian naman ang nagbibigay ng talumpating panimula (salutation). Nagkataon lamang na sa Pilipinas ang top two sa nakuhang grade point average ang binibigyan ng karangalan na gawin ang mga ito.
Ulitin natin:
- Top One : para kang tanga pag ginagamit mo ito. Nangunguna sa laban na iisa lang ang kasali? Parang solitaryo lang ba?
- Top three : gagamitin lang kung gusto mong ipatungkol ng sabay-sabay dun sa tatlong pinakamataas.
- Valedictorian at Salutatorian : ginagamit lang sa mga miyembro o naging miyembro ng isang graduating class. Pwedeng isang mag-aaral, guro o kahit sinong bisita.
Ngayon kung estudyante ka pa pero gumagamit ka ng ganitong pananalita ay maipapayo ko na: anak mag-aral-aral din paminsan-minsan at hindi puro facebook at computer games lang ang inaatupag.
ciao!